വനത്തിനുള്ളിൽ സുരക്ഷിതമായി ക്യാമ്പ് ചെയ്യാൻ സാധിക്കുന്ന കേരളത്തിലെ മികച്ച അഞ്ച് സ്ഥലങ്ങൾ

പ്രകൃതിയുടെ മടിത്തട്ടിൽ, മരങ്ങൾക്കിടയിലെ തണുപ്പും പക്ഷികളുടെ ശബ്ദവും ആസ്വദിച്ച് ഒരു രാത്രി ചെലവഴിക്കാൻ ആഗ്രഹിക്കാത്തവരായി ആരുമുണ്ടാകില്ല. കേരളത്തിന്റെ വനസമ്പത്ത് ഇത്തരം ക്യാമ്പിംഗ് അനുഭവങ്ങൾക്ക് ഏറെ അനുയോജ്യമാണ്. തിരക്കേറിയ നഗരജീവിതത്തിൽ നിന്ന് മാറി വനത്തിനുള്ളിൽ സുരക്ഷിതമായി ക്യാമ്പ് ചെയ്യാൻ സാധിക്കുന്ന കേരളത്തിലെ മികച്ച അഞ്ച് സ്ഥലങ്ങൾ പരിചയപ്പെടാം.

സൈലന്റ് വാലി (പാലക്കാട്)

ജൈവവൈവിധ്യത്തിന്റെ കലവറയായ സൈലന്റ് വാലി നാഷണൽ പാർക്കിന് സമീപമുള്ള വനമേഖലകൾ ക്യാമ്പിംഗിന് പ്രശസ്തമാണ്. വനം വകുപ്പിന്റെ പ്രത്യേക അനുമതിയോടെയും ഗൈഡുകളുടെ സഹായത്തോടെയും ഇവിടെ ക്യാമ്പ് ചെയ്യാം. നിശബ്ദമായ കാടിന്റെ വന്യതയും രാത്രിയിലെ തണുപ്പും സഞ്ചാരികൾക്ക് വേറിട്ടൊരു അനുഭവം നൽകുന്നു.

ബുക്കിംഗ് നമ്പർ : 085898 95652

വയനാട് വന്യജീവി സങ്കേതം (വയനാട്)

സമുദ്രനിരപ്പിൽ നിന്ന് ഉയരത്തിൽ സ്ഥിതി ചെയ്യുന്ന വയനാട്ടിലെ വനമേഖലകൾ ക്യാമ്പിംഗിന് ഏറ്റവും അനുയോജ്യമായ ഇടമാണ്. മുത്തങ്ങ, തോൽപ്പെട്ടി എന്നിവിടങ്ങളിലെ വനത്തിനുള്ളിലോ അതിനോട് ചേർന്നുള്ള സ്വകാര്യ എസ്റ്റേറ്റുകളിലോ ടെന്റ് കെട്ടി താമസിക്കാൻ സൗകര്യമുണ്ട്. കാട്ടുനൈനുകളെയും ആനകളെയും കാണാൻ സാധിക്കുന്ന വനസവാരിയും ഇതിനൊപ്പം ആസ്വദിക്കാം.

ഗവി (പത്തനംതിട്ട)

കേരളത്തിലെ ഏറ്റവും മനോഹരമായ ഇക്കോ-ടൂറിസം കേന്ദ്രങ്ങളിലൊന്നാണ് ഗവി. പത്തനംതിട്ട ജില്ലയിലെ പെരിയാർ ടൈഗർ റിസർവിനുള്ളിലാണ് ഗവി സ്ഥിതി ചെയ്യുന്നത്. കെ.എഫ്.ഡി.സി ഒരുക്കുന്ന ക്യാമ്പിംഗ് പാക്കേജുകൾ വഴി കാടിനുള്ളിൽ സുരക്ഷിതമായി താമസിക്കാം. ഇവിടുത്തെ കോടമഞ്ഞും ശാന്തമായ തടാകവും ക്യാമ്പിംഗ് അനുഭവം ഇരട്ടിയാക്കുന്നു.

പറമ്പിക്കുളം ടൈഗർ റിസർവ് (പാലക്കാട്)

കാടിനെ ഏറ്റവും അടുത്തറിയാൻ ആഗ്രഹിക്കുന്നവർക്ക് പറമ്പിക്കുളം മികച്ച ചോയിസാണ്. വനം വകുപ്പിന്റെ ആഭിമുഖ്യത്തിൽ നടത്തുന്ന ‘ഐലൻഡ് ക്യാമ്പിംഗ്’ ഇവിടുത്തെ പ്രധാന ആകർഷണമാണ്. വനത്തിനുള്ളിലെ ജലാശയത്തിന് നടുവിലുള്ള ദ്വീപുകളിൽ താമസിക്കാനുള്ള സൗകര്യം ഇവിടെയുണ്ട്.

Contact: 09442201690.

നെല്ലിയാമ്പതി (പാലക്കാട്)

പാലക്കാടൻ മലനിരകളുടെ സൗന്ദര്യം തുളുമ്പുന്ന നെല്ലിയാമ്പതിയിലെ വനമേഖലകൾ ഓഫ്‌റോഡ് ഡ്രൈവിംഗിനും ക്യാമ്പിംഗിനും പേരു കേട്ടതാണ്. ഇവിടുത്തെ സ്വകാര്യ എസ്റ്റേറ്റുകളിലും വനത്തോട് ചേർന്നുള്ള ക്യാമ്പ് സൈറ്റുകളിലും താമസിക്കുമ്പോൾ കാട്ടുപോത്തുകളെയും മറ്റു വന്യമൃഗങ്ങളെയും കാണാൻ സാധിക്കാറുണ്ട്.

ശ്രദ്ധിക്കുക:

വനത്തിനുള്ളിലെ ക്യാമ്പിംഗിന് എല്ലായ്പ്പോഴും വനം വകുപ്പിന്റെ മുൻകൂർ അനുമതി വാങ്ങേണ്ടതാണ്. പ്ലാസ്റ്റിക് മാലിന്യങ്ങൾ കാട്ടിൽ ഉപേക്ഷിക്കാതിരിക്കാനും വന്യമൃഗങ്ങളുടെ സ്വൈര്യവിഹാരത്തിന് തടസ്സം സൃഷ്ടിക്കാതിരിക്കാനും ശ്രദ്ധിക്കുക.

#yathrainfo.com #Keralaforest #Camping #Trekking #Adventure #Godsoncountry #keralatourism